आत्मषटकस्तोत्रम् ।।
मनो बुद्ध्यहंकार चित्तानि नाहं, न च श्रोत्रजिहृवे न च घ्राण नेत्रे ।
न च व्योमभूमिर्न तेजो न वायुः, चिदानन्दरूपः शिवोऽहम् शिवोऽहम् ।।१।।
न च प्राणसंज्ञो न वै पञ्चवायुः न वा सप्तधातुर्न वा पञ्चकोशः ।
न वाक् पाणिपादौ न चोपस्थपायूः चिदानन्दरूपः शिवोऽहम् शिवोऽहम् ।।२।।
न मे द्वेषरागौ न मे लोभमोहौ मदो नैव मे नैव मात्सर्यभावः ।
न धर्मो न चार्थो न कामो न मोक्षः चिदानन्दरूपः शिवोऽहम् शिवोऽहम् ।।३।।
न पुण्यं न पापं न सौख्यं न दुःख, न मन्त्रो न तीर्थ न वेदा न यज्ञाः ।
अहं भोजनं नैव भोज्यं न भोक्ता, चिदानन्दरूपः शिवोऽहम् शिवोऽहम् ।।४।।
न मे मृत्युशंका न मे जातिभेदः, पिता नैव मे नैव माता न जन्म ।
न बन्धुर्न मित्रं गुरुर्नैव शिष्येः, चिदानन्दरूपः शिवोऽहम् शिवोऽहम् ।।५।।
अहं निर्विकल्पो निराकाररूपो, विभुव्र्याप्य सर्वत्र सर्वेन्द्रियाणाम् ।
सदा मे समत्वं न मुक्तिर्न बन्धः, चिदानन्दरूपः शिवोऽहम् शिवोऽहम् ।।६।।
।। इति श्रीमच्छङ्गराचार्यविरचितं आत्मषटकं सम्पूर्णम् ।।
रचनाकार स्वामी श्री शंकराचार्य
