छोरा छोरिको बिहे पछि भजन गर्छु भन्थें
भगवान को भजन गरि भव तर्छु भन्थें
भजन गर्छु भन्दा भन्दै नाति जन्मिहाल्यो
नातिको मुख देखे पछि मायाँ लाग्न थाल्यो
कति मीठो तोते बोली कति गुलियो
मोहजालमा फसियोय राम भुलियो ।।
सबै केश फुलिसके यौटै छैन कालो
मिलेका यी दन्तैलहर झरे पालै पालो
राम भन्दा लाम हुन्छ दाँत नभएपछि
हिड्न डुल्न सकिँदैन आँत नभएपछि
उमेर छँदा तागत हुँदा कति डुलियो
मोहजालमा फसियो राम भुलियो ।।
कैले पनि भजिएन भगवान को नाम
भगवानको नाम जपे पो मिल्छ परमधाम
परमधाम मा जाने जुक्ती लाउने कसोगरी
यस्तो चाल ले हाम्ले मुक्ती पाउने कसोगरी
धर्म कर्म भुलियो पाप चुलियो
मोहजालमा फसियो राम भुलियो।।
शब्द / संगीत / स्वर
पाेखरा कास्की
भिडियो:-
नोटः– हजुरहरूले पनि आफ्ना लेख, रचना, ज्ञान–विज्ञान सम्बन्धित खोज, विभिन्न जानकारी आदि यस साइडको नियममा रहेर प्रसारण गराउँन चाहनुहुन्छ भने हामीसँग सिधा सम्पर्क गर्नुहुन अनुरोध पनि गर्दछौँ । धेरै धेरै धन्यवाद ।
