आफुले चाहेको वरदान पाउँन गर्नुहोस यी भगवानको आराधना

हाम्रो वैदिक सनातन धर्ममा धेरै भगवानहरूका बारेमा बताईएको छ । हामीहरू अलमल्लमा परेका छौ कि कुन भगवानको आराधना अथवा ध्यान गर्नाले आफुले चाहेको वर प्राप्त हुन्छ भनेर । हामिहरूले अनेकौ भगवानको पूजा गर्छौ तर पूजा गरेको अनुसार फल प्राप्त भैरहेको छैन। आफुले चाहेको फल प्राप्ती गर्नको लागि शास्त्रमा यो यो भगवानको आराधना तथा पूजा गर्नु भनेर बताईएको छ । आउनुहोस कुन कुन भगवानलाई पूजा (आरधना)गर्नाले हाम्रो कामनाहरू पुर्ण हुन्छ जानौ :-
“ब्रह्मवर्चसकामस्तु यजेत ब्रह्मणस्पतिम् “
जसलाई ब्रह्मतेजको इच्छा छ उसले बृहस्पतिभगवानको उपासना गर्नु पर्दछ । इन्द्रियहरूको शक्ति बढाउन इन्द्रको आरधना गर्नु पर्दछ । लक्ष्मीको प्राप्तिको लागि मायादेवीको आरधना गर्नु पर्दछ । तेज प्राप्तिको लागि अग्नि देवको आरधना गर्नु पर्दछ। धनको प्राप्तिको कामना भएको मानिसले अष्टवसुको आरधना गर्नु पर्दछ । कृषि( खेती बाली ) गर्ने ब्याक्तिले धेरै अन्न प्राप्ती गर्नको लागि अदितिको आरधना गर्नु पर्दछ ।स्वर्ग पाउने इच्छा भएको मानिसले अदितिको पुत्रहरूको आरधना गर्नु पर्दछ। राज्यको भोग चाहने ब्यक्तिले विश्ववेदको आरधना गर्नु पर्दछ । आयु वृद्धिको कामना भएको व्यक्तिले अश्विनिकुमारको आरधना गर्नु पर्दछ।
“रूपाभिकामो गन्धर्वान स्त्रीकामोSप्सरौर्वशीम्”
सौन्दर्य र सुन्दरताको कामना भएको व्यक्तिले गन्धर्वको आरधना गर्नु पर्दछ ।राम्री र सुशील कन्या (पत्नी ) प्राप्तीको लागि उर्वशी आदि अप्सराहरूको आरधना गर्नु पर्दछ । यश र कृति प्राप्तिको लागि यज्ञपुरुष भगवानको आरधना गर्नु पर्दछ । लुकाएको(गोप्य) धन प्राप्तिको लागि वरुण भगवानको आरधना गर्नु पर्दछ ।
“विद्याकामस्तु गिरिशं दाम्पत्यार्थ उमां सतीम् “
बिद्या प्राप्तिको लागि भगवान शंकरको आरधना गर्नु पर्दछ । पति पत्निमा परस्पर रुपमा अघाढ प्रेम बढाउनको माता पार्वतीको आरधना गर्नु पर्दछ । सन्तान प्राप्तिको लागि प्रजापतिहरूको आरधना गर्नु पर्दछ । वंशपरम्पराको रक्षाको लागि पितृहरूको आरधना गर्नु पर्दछ। निष्कामता प्राप्तिको लागि परम पुरुष नारायणको आरधना गर्नु पर्दछ जसले निष्काम भावले भगवानको आरधना (अहैतुकी भक्ती) गर्दछ उसले मोक्ष प्राप्ति गर्दछ ।

यस्ता प्रकारबाट जसले भगवानको आधना गर्दछ उसले आफुले चाहेको वा इच्छाएको वर (फल) प्राप्ती गर्दछ यसमा कुनै संदेह छैन । प्रत्येक दिन जुन ब्यक्तिले आफ्नो कुलदेवता, इष्टदेव र पितृहरुको आरधना गर्दछ उसको हरेक कठिन भन्दा पनि कठिन कार्यहरू सफल हुने गर्दछ ।
त्यसैले सेवा नै पूजा हो पूजा नै धर्म हो ।

नोटः– हजुरहरूले पनि आफ्ना लेख, रचना, ज्ञान–विज्ञान सम्बन्धित खोज, विभिन्न जानकारी आदि यस साइडको नियममा रहेर प्रसारण गराउँन चाहानुहुन्छ भने हामीसँग सिधा सम्पर्क गर्नुहुन अनुरोध पनि गर्दछौँ । धेरै धेरै धन्यवाद ।