प्रेम के हो ? र हामीले कस्तो प्रेम गर्ने ?
अहो मायाबलं विष्णो: स्नेहबद्धमिदं जगत्।भा .८।१६।१८
भगवानको माया शक्ति अत्यन्त प्रबल छ, यो सारा जगतलाई प्रेम रुपि बन्धनले बाँधेकोछ । त्यसैले भन्ने गरिन्छ संसारको सर्वोउत्कृष्ट अनुभूति युक्त सम्पत्ति हो प्रेम, यसको आधार विश्वास हो, जसलाई सबैले चाहान्छन् । तर सहि समयमा सहि प्रेम उनिहरूले मात्र प्राप्त गर्छन् ।
जस्ले प्रेमको वास्तविक महंत्त्व बुझेका हुन्छन् र जस्ले त्यसलाई निभाउँन सक्छन्। जसरी गणितीय सानो-सानो सूत्रले ठूलाठूला हिसाब गर्न सहजैसँग सके जस्तै, जीवन जिउने क्रममा पनि प्रेमलाई एउटा सूत्रको रुपमा प्रयोग गरेर सहज र सरल तरिकाले जीवन जिउन सकिन्छ। जीवन जिउँने सूत्र हो प्रेम ।
‘तत्सुखे सुखित्वम्’ प्रेममा दुःख-पीडा दु:ख-पीडा लाग्दैन बरु परमात्माको प्रसाद लाग्दछ । हरेक कुरामा समर्पण र स्वीकारको शिक्षा कसैले केहि बाट प्राप्त गर्छ भने त्यो प्रेम द्वारा प्राप्त गर्छ । किनकि समर्पण प्रेमको स्वभाव हो शर्त होइन, यसमा उच्च- निच्चको कुनै भेद रहँदैन, सानो-ठूलो को कुनै पक्षपात हुदैन, कालो गोरोको विशेषणले प्रेमलाई कुनै फरक पार्दैन । प्रेम केही प्राप्ति होइन एक अनुभुती हो ।
जहाँ प्रेम हुन्छ,त्यहाँ अनन्यता हुन्छ । प्रेम जीवनको पूर्णता हो ।
प्रेम बन्ध कोठा होइन, बरु खुला आकाश हो, जो अन्नत छ अथाह छ ।
यस्तो प्रेमलाई दुई तरिकाले बुझ्न सकिन्छ ।
क) स्वार्थयुक्त प्रेम (जसलाई प्रेम रुपि नाटक पनि भनिन्छ)
ख) निस्वार्थ प्रेम (जसलाई अहैतुकी प्रेम अथवा निस्वार्थ भक्ति पनि भनिन्छ )
क) स्वार्थयुक्त प्रेम:-
सांसारिक दुनियाँमा काम-वासनालाई नै सर्वोपरि ठानेर, निश्चित उदेश्य प्राप्तिको लागि कसैले कसैलाई कुनै वस्तुको लोभमा पारि प्रोत्साहित गर्ने र आफ्नो उद्देश्य पुरा गर्न अरुलाई दु:ख दिने प्रेमलाई स्वार्थयुक्त प्रेम वा नाटकि प्रेम भन्न सकिन्छ । कालान्तरमा यो दुःखको कारण पनि बन्न सक्छ प्राय ।
ख) निस्वार्थ प्रेम:-
जसरी गङ्गाको जल अनवरत रुपमा सागरतिरै बग्दछ त्यसै गरी कुनै कुराको पनि ईच्छा नराखेर ईश्वर वा मनुष्य जसलाई प्रेम गरिन्छ उसैलाई सदा-सदाको लागि प्राप्त गर्ने तर अन्य सांसारिक आशक्ति शून्य भएको प्रेम नै निस्वार्थ प्रेम हो ।
त्यसैले हामीले पनि कसैलाई प्रेम गर्छौं भने नाटकि वा स्वार्थयुक्त प्रेम हैन निर्मल, कञ्चन र अहैतुकी प्रेम गरौँ । जसले जीवनभर सुख, शान्ति र आनन्द देओस् र मृत्यु पश्चात् पनि आत्माको परमात्मामा सँग मिलन हुन सकोस् ।
त्यसैले तपाईं हामीले पनि त्यो प्रेम गरौँ ।
LOVE SUCCESS पार्ने गोप्य सूत्रहरु । भिडियो लिङ्कः–https://youtu.be/Ee2bch7z04U
सन्तोष आचार्य
वि.न.पा. ११ सुर्खेत
हाल – ल म पा १५ ललितपुर
नोटः– हजुरहरूले पनि आफ्ना लेख, रचना, ज्ञान–विज्ञान सम्बन्धित खोज, विभिन्न जानकारी आदि यस साइडको नियममा रहेर प्रसारण गराउँन चाहानुहुन्छ भने हामीसँग सम्पर्क गर्नुहुन अनुरोध पनि गर्दछौँ ।
