राशिफल श्रावण 2078

मेष राशिः– यो महिनाका ग्रहगोचर अनुसार तपाईको जीवनमा सुखको कमी आउनेछ भने बोलीमा सम्यमीत बन्नुहोला बोलिको कारणले पछुताउनुपर्न सक्छ । मानप्रतिष्ठामा आच आउने खालको वातावरण बनेको देखिन्छ । प्रेमको प्रस्ताव आउन सक्ने समय भएता पनि प्रेम एवं दाम्पत्य जीवनमा बारम्बार बारम्बार बिघ्न बाधा आउनेछन् । पारिवारिक जीवनमा स्वास्थ्यको समस्याले सताउन सक्छ भने धनको आगमन एवं शत्रुको नाश लगायतका शुभफल पनि यो महिनामा रहेका देखिन्छन् । दोष निवारण एवं सफल जीवनको लागि सूर्यनारायणको आराधना ॐ घृणी सूर्याय नमः यो मन्त्र जप गर्नुहोला ।

वृष राशिः– यो महिनामा वृष राशिका मानिसहरूलाई धन सम्पत्तिको प्राप्ति हुने योग देखिन्छ भने पराक्रम बढ्नेछ । पारिवारिक सुख एवं कार्यक्षेत्रमा उन्नति प्रगतिको योग पनि बनेकाले कार्यक्षेत्रमा राम्रो धन सम्पत्ति प्राप्त हुनेछन् । पराक्रमले गर्दा ज्ञान एवं बोलिको मुल्याङ्कन उच्च बन्ने योग यो महिना रहेको देखिन्छ सामाजिक कार्य एवं धार्मिक क्षेत्रमा काम गर्ने मानिसहरूका लागि यो महिना विशेष बन्न सक्छ । थप उन्नति प्रगतिका लागि विष्णुको आराधना उत्तम हुन्छ ।

मिथुन राशिः– मिथुन राशिका मानिसलाइ यो महिनामा सोच बिचारमा ठूला ठूला परिवर्तन आएता पनि मनमा डर एवं दोधार बढ्नाले हरेक कामहरू अधुरा हुनेछन् । बोलेको कुरा पुर्याउन धौ धौ पर्नेछ । खर्च बढ्नुका साथै धनको क्षति एवं झमेलाको वातावरण यो महिनाको राशिफलमा देखिएको छ । लामा लामा यात्राले दुर्घटना गराउन सक्छन् यात्रा गर्दा सावधानी अपनाउनुहोला । माथिका सम्पूर्ण दोष निवारणका लागि ॐ श्रिं श्रियै नमः यो मन्त्रको जप प्रत्येक दिन गर्नुहोला ।

कर्कट राशिः– कर्कट राशिका मानिसहरूलाई यो महिनामा शत्रु लाग्नेछन् शत्रुलाग्नाले आफ्नो स्थान नाशको योग बन्दछ त्यसले पद प्रतिष्ठामा दाग लाग्न सक्ने सम्भावना देखिन्छ सावधानी रहनु होला । पराक्रम बढेता पनि आक्रोशित स्वभावले गर्दा पश्चातापको वातावरण पनि बन्न सक्छ । धन धान्य एवं बोलिको प्रभाव बढ्नेछ । सन्तानको पक्षमा केही दुःख कष्टको समय यो महिनामा भएकाले सम्पूर्ण सङ्कटबाट बच्नको लागि गणेश भगवानको ॐ गं गणपतये नमः मन्त्र जप गर्दै विशेष कामको थालनी गर्नुहोला ।

सिंह राशिः– सिंह राशिका मानिसका लागि यो महिनामा स्वभावमा केही परिवर्तन आउने छन्, आध्यात्मिक बिचारको क्षय हुने एवं धनको क्षतिको योग पनि देखिएको छ । दाम्पत्य जीवन राम्रो हुनेछ भने कार्य क्षेत्रलाई विस्तार गर्न मन लाग्ने सम्भावना यो महिनामा देखिन्छ । साथिभाइ सङ्ग सङ्गत गर्दा वा साथिभाई सँग मिलेर केही गर्दा सोच बिचार गरेर मात्र गर्नुहोला । शिक्षाक्षेत्र राम्रो छ यो महिनामा बोलिको प्रभावले गर्दा आय आर्जन धेरै राम्रो हुनेछ । समस्याबाट मुक्तिका लागि आफ्नो गुरूको सेवा गर्नुहोला ।

कन्या राशिः– कृषि एवं पशु व्यवशायमा काम गर्ने मानिसहरूका लागि यो महिना विशेष लाभदायी बन्नेछ । विशेष गरेर धनधान्यको क्षेत्रमा विशेष लाभदायी महिना भन्न सकिन्छ । अरुले लिएको पैसा पनि तपाईले यो महिनामा फिर्ता पाउनुहुने छ । जग्गा जमिनबाट सोचेजस्तै धन लाभ हुनेछ । कर्मक्षेत्रमा पनि उन्नति प्रगतिको योग कन्या राशिका मानिसलाई देखिन्छ । शान्ति र आनन्दका लागि भगवती माताको सेवा गर्नु राम्रो हुन्छ ।

तुला राशिः– तुला राशिका मानिसहरूका लागि पराक्रमले गर्दा यो महिनामा कार्यक्षेत्रमा सफलताको योग लागेको छ । शिक्षा एवं भाग्य राम्रो छ । कामको शिलशिलामा टाढाको यात्रा पनि गर्नु पर्ने हुन सक्छ । सवारी साधनको प्राप्ति पनि यो महिनामा हुन सक्छ । शारीरिक केही कष्टको वातावरण पनि बन्न सक्छ । प्रेसर एवं रगतसँग सम्बन्धित समस्याले सताउन सक्छ । भाग्य बलियो भएकाले त्यस्तो डराउनु भने पर्ने देखिदैन । दोष निवारणका लागि दुर्गा माताको सेवा एवं ॐ ऐं ह्रीं क्लीं चामुण्डायै वीच्चे यो मन्त्रको जप गर्नु होला ।

वृश्चिक राशिः– वृश्चिक राशिका लागि यो महिनामा शरीरको कान्तिक्षय हुनेछ । कार्यक्षेत्रमा ठूला ठूला अवसर आउनेछन् तर अवसरलाई आफ्नो पक्षमा प्रयोग गर्नको लागि धेरै मुस्किल पर्नेछ । यो महिनामा जग्गा जमिन लाभको सम्भावनाको योग पनि देखिन्छ । यो महिनामा धन वृद्धि हुने खालको योग बन्न सक्छ । आट र क्षमतामा वृद्धि हुने छ भने यात्रामा सानो चोटपटकको सम्भावना पनि देखिएको छ भने श्रीमतिको स्वास्थ्यमा केही गडबढी हुन सक्छ ख्याल गर्नुहोला । कल्याणको लागि माता बगलामुखीको दर्शन पूजा गर्नुहोला ।

धनु राशिः– तपाईको लागि पराक्रम बढ्ने समय छ भने दाम्पत्य जीवनमा सुख एवं भाग्य निर्माणको लागि सङ्घर्ष गर्नु पर्ने समय आएको देखिन्छ । व्यापार व्यवशाय गर्ने मानिसहरूका लागि व्यापार विस्तार एवं व्यापारमा स्तरोन्नतिको योग पनि बनेके देखिन्छ । शिक्षाक्षेत्रमा बाधा व्यवधान एवं खर्चले सीमा नाघ्ने समयको आगमन भएको देखिन्छ । शिक्षामा उन्नति प्रगतिको लागि गणेश भगवानको पूजा मन्त्र जप गर्नुहोला ।

मकर राशिः– मकर राशिका मानिसहरूका लागि यो महिनामा धन सम्पत्तिको धेरै खर्च हुने समय छ । दाम्पत्य जीवनमा केही खट्पटको वातावरण सिर्जना हुने देखिन्छ । बोलिको प्रभाव बढ्नेछ, ज्ञान एवं शिक्षामा यो महिना खासै उन्नति प्रगति न भएता पनि टेक्निकल दिमागको विकास भने यो महिनामा अवश्य होला । व्यापार व्यवशाय गर्ने मानिसहरूका लागि यो महिनामा केही घाटाको वातावरण पनि बन्न सक्ने भएकाले सोचबिचार पूर्वक कामहरू गर्नुहोला । आलस्यताले सताउने छ भने पराक्रम र कर्ममा ढिला सुस्ति हुने समय छ । कल्याण एवं उन्नतिका लागि लक्ष्मी नारायणको उपासना राम्रो हुन्छ ।

कुम्भ राशिः– शत्रुलाई जित्न सकिने समय छ, लामा लामा यात्राका अवसर पनि आउन सक्छन् । बौद्धिक क्षमताको विकास हुनेछ, सेयर मार्केटमा काम गर्ने मानिसलाई फाइदाको महिना रहेको देखिन्छ । चिसोबाट जोगिनु होला । कार्यक्षेत्रमा केही बादविवादको पनि सामना यो महिनामा गर्नु पर्ने देखिन्छ । प्रमि प्रमिकाका लागि यो महिनामा केही वादविवाद हुने सम्भावना पनि रहेकाले साबधानी अपनाउनुहोला । दोष निवारणका लागि भगवान् विष्णुको दर्शन गरेर मात्र कामको थालीनी गर्दा उत्तम हुनेछ ।

मीन राशिः– बसेको स्थान एवं गरेको पेशा परिवर्तनको योग यो महिनामा बन्न सक्छ । मिहेनतिपन बढ्ने छ, सन्तानको चिन्ताले सताउन सक्छ । पराक्रमले गर्दा सबैलाई खुशी बनाउन सक्ने समय छ । शारीरिक अस्वस्थ पन बढ्न सक्छ समग्रमा भन्नु पर्दा मध्यम समयको महिना रहेको देखिन्छ । शिवजीको पूजा गरेर कामको थालनी गर्दा सफल हुनेछ । 

भिडियो हेर्नको लागी:-

नोटः– हजुरहरूले पनि आफ्ना लेख, रचना, ज्ञान–विज्ञान सम्बन्धित खोज, विभिन्न जानकारी आदि यस साइडको नियममा रहेर प्रसारण गराउँन चाहानुहुन्छ भने हामीसँग सिधा सम्पर्क गर्नुहुन अनुरोध पनि गर्दछौँ । धेरै धेरै धन्यवाद ।